學生幹事及顧問
第九屆 學生幹事會 Resonance
共鳴,依靠微小的震盪而產生巨大的聲響。我們以此作為本年度莊名,意喻我們將全心全意投入自己微小的力量作為共振的源頭,並以多元化的服務對象和活動內容吸引更多同學一起参與社區服務,藉著與受眾交流,更明白社會弱勢社群的需要,從而燃起他們服務社群的熱心,甚至感染更多人一起形成更巨大的社會力量幫助有需要的人。
Justin (李政斐)
President(主席)
打頭炮係Resonance既靈魂人物，有Justin係到無有怕，佢有膊頭有腰骨，做事認真有交帶，每個莊員有咩難題解決唔到都係揾佢幫手。佢除左做得嘢之外仲好talk得好風趣幽默，成支莊有佢就一定有笑聲。想揾人吹下水想聽下笑話開心一下，就一定要嚟揾我哋嘅P大大啦
Human (王曉雯)
Internal Vice President(內務副主席)
又warm又caring既human寶寶，佢平時最鐘意就係八卦，就係因為佢咁八卦嘅性格，所以好關心每一個莊員最近發生咩事，每個莊員有咩問題佢都會積極解決幫手，真係好sweet sweet！！！想感受一下愛嘅感覺就要嚟揾我哋嘅human啦！！
Kelvin (徐嘉熹)
External Vice President(外務副主席)
到我哋嘅EV Kelvin啦，佢份人yo得又玩得，無時無刻都喺度yo緊人，盡責咁同其他society打好關係。不過除左玩之外佢都好讀得書，大家想搵人一齊玩就記住要嚟搵我哋嘅Kelvin傾吓計認識下啦！！！
Kenny (梁曉鍇)
Financial Secretary(財務秘書)
成支莊最醒目嘅一定係我哋嘅Kenny啦，佢係我哋稱職嘅fin sec將啲錢交晒比佢就絕對唔使擔心。佢份人好得意，相處落就會發現佢成日傻傻地做埋啲好可愛嘅行為，大家一定要嚟感受一下佢有幾可愛同嘈吵!!!
Andy (楊浩宇)
Secretary and Information Technology Officer (秘書及資訊科技幹事)
係我哋嘅神莊員Andy，無論整片整dec定出設都難佢唔到，揾佢做嘢包無甩拖。佢仲有一個特別技能就係唔洗訓教，真係好fit架大家一定要嚟見識下依個超級莊員！！！
Calvin (陳雍林)
Promotion and Publishing Officer(宣傳及出版幹事)
見到我哋咁高質嘅Leaflet同poster就知道一定係出自我哋出色嘅Calvin，唔好睇佢好Man嘅外表，其實佢好細心好有藝術細胞架，整到每一份promotion item都靚靚仔仔。未攞我哋file, leaflet同soc紙就要把握最後機會嚟我哋counter攞返份啦！！！
Ken (唐德強)
Promotion and Publishing Officer(宣傳及出版幹事)
係我哋另一個盡責嘅宣傳及出版幹事呀Ken，佢平時唔多講嘢，但自己會默默係背後咁做莊務為支莊付出，出設真係快手又妥當。未攞我哋file, leaflet同soc紙就要把握最後機會嚟我哋counter攞返啦！！！！
Wy (黃蓉)
Social Services and Recreation Officer(社會服務及康樂幹事)
唔好睇wy身型細細粒，其實佢係我哋成支莊最有覇氣嘅一個，做事認真之餘仲好有效率。佢仲有打開排球，大家可以嚟揾佢切磋一下球技做下運動！
Jen (梁德瑩)
Public Relations and General Affairs Officer(公共關係及總務幹事)
Jen係一個好鐘意食同訓嘅莊員，每日用得最多嘅時間係食野同訓教，不過做莊務嘅時間佢都好chur得，只要食杯雪糕就精神曬，夜晚整dec整得幾攰都撐得住。佢仲係我地支莊出名嘅清泉，自稱自己又pure又true真唔真呢就要等大家嚟認識下啦！！！！
Tiffany (張學韻)
Welfare and General Affairs Officer(褔利及總務幹事)
Tiffany外表斯斯文文，但佢一開聲真係包你震驚、語出驚人、字字珠璣。每次開會都有好多好正嘅意見，除左有頭腦之外，佢仲非常細心，執到soc物資整整齊齊，好有條理。大家一定要嚟同佢傾下計了解下佢講嘢有幾震撼！！！
Gloria
Advisor
雖然話Gloria係我地嘅Advisor，但我地個個都當正佢係寶貝莊員㗎點解？因為佢除左教我地好多待人處事嘅技巧同態度之外，仲好活潑好鍾意同我地一齊玩一齊傻笑㗎所以想玩？想學野？想有人關心？Gloria一次滿足你3個願望!!!
Advisor
雖然話Gloria係我地嘅Advisor，但我地個個都當正佢係寶貝莊員㗎點解？因為佢除左教我地好多待人處事嘅技巧同態度之外，仲好活潑好鍾意同我地一齊玩一齊傻笑㗎所以想玩？想學野？想有人關心？Gloria一次滿足你3個願望!!!