學生幹事及顧問
第十屆 學生幹事會 Hyacinth
風信子的花語是“只要點燃生命之火，便可同享豐盛人生。”意喻燃燒我們的生命和力量，燃起科大學生對社會服務的熱情，凝聚科大學生的力量，透過多元化的活動向社會傳遞幸福
BL (林兆俊)
President(主席)
佢係uni-y嘅主席。雖然未到韓星咁玉樹臨風，但係佢唔單止才高八斗，身高都就快有八尺，係我哋支莊嘅一大靠山。正所謂great power comes great responsibility，佢如喜馬拉雅山般高嘅責任心成為咗我吔最強嘅後盾，尤其是係當我哋開會傾到左腦同右腦掉轉晒嘅時候，佢就會出嚟點返醒我哋。如果你想學佢咁高，或者想了解更加多uni-y嘅嘢，就搵佢一齊打波啦！
Phoebe (梁珮晴)
Internal Vice President(內務副主席)
呢個笑容甜美嘅就係我哋嘅侯任內務副主席Phoebe啦 佢好做得野之餘仲好nice好warm好sweet，周不時都會關心我哋嘅莊員，有咩心事都唔怕同佢傾，佢仲好識講嘢tum人架，而且佢仲好熱心，只要係佢能力所及，佢都會出盡全力幫大家手‼ 想打羽毛球嘅話,都可以搵 3be 一齊打 佢期待係未來嘅活動中見大家!
Iris (劉嘉宜)
External Vice President(外務副主席)
呢位係我哋候任外務副主席 Iris，佢又nice又細心，每次都可以搵到一啲其他人忽視咗嘅問題出嚟。交俾佢做嘅嘢從來都唔需要擔心，佢一定會盡責完成，同其他Soc打好關係就更加不在話下，除左做野叻，玩都要預埋佢一份。佢仲係位貓奴，每次傾起貓，都可以見到佢最溫柔嘅一面啊，遲d有機會你都可以同佢一齊分享下同貓貓相處嘅樂趣。
Heng (錢俊亨)
Information Technology and Publishing Officer (資訊科技及出版幹事)
亨係我哋嘅資訊科技及出版幹事，你問點解？因為全莊佢最熟電腦(亦都係全莊GPA最高可以入到CS)，你見到嘅網站都係由佢負責管理㗎！佢份人講嘢直接，又多唸頭，不過選擇生活嘅時區同大部分人唔同，如果要搵佢嘅話就祝你好運啦！
Rain (李雨荷)
Secretary and Public Relations Officer(秘書及公共關係幹事)
噔噔～終於到我地全莊最最最斯文嘅Rain出場啦！作為我哋嘅候任秘書及公共關係幹事，緊係又talk得又打得啦。佢平時斯斯文文，但講嘢絕對唔會悶親人，間唔中仲會語出驚人，記住mon post 睇佢會講乜！！至於打得，佢一定係莊內數一數二打得最多⋯字嘅人 我哋平時開會嘅document，都係靠佢寫好同影印，咁盡責嘅Sec去邊度搵！
Isaac (黃諾謙)
Social Services and General Affairs Officer (社會服務及總務幹事)
終於黎到我哋嘅侯任社會服務及總務幹事 Isaac啦～佢份人好主動，做咩都好有熱誠 好有火，有咩事一定衝出黎幫手！特別係影片特效同設計啲野，我哋嘅預告片就係佢整㗎，係唔係好高質哩！ 唔好睇佢平時咁傻氣個樣❓❓，其實佢諗頭多多，做野又有效率，係一個不得了嘅莊員。同時佢係一個義工發燒友，有好多義工經驗（前個排先係柬埔寨義教完返嚟 *叫聲黃sir先啦*）
Gloria
Advisor
雖然話Gloria係我地嘅Advisor，但我地個個都當正佢係寶貝莊員㗎點解？因為佢除左教我地好多待人處事嘅技巧同態度之外，仲好活潑好鍾意同我地一齊玩一齊傻笑㗎所以想玩？想學野？想有人關心？Gloria一次滿足你3個願望!!!
Advisor
雖然話Gloria係我地嘅Advisor，但我地個個都當正佢係寶貝莊員㗎點解？因為佢除左教我地好多待人處事嘅技巧同態度之外，仲好活潑好鍾意同我地一齊玩一齊傻笑㗎所以想玩？想學野？想有人關心？Gloria一次滿足你3個願望!!!