學生幹事及顧問
第六屆 學生幹事會 Weaverbird
我們以凝聚作為今年主題，化身織布鳥為社群織成最穩固的吊巢
Marcus (周子軒)
President(主席)
聽聞夜訓會矮兩吋，但係我地啊P矮極都係全莊最高。最過分既係雖然佢日日食足5餐，偏偏睇落去好似紙板人咁，BMI得16，真係羨慕死人。
Ivy (黃希雯)
Internal Vice President(內務副主席)
Ivy 又稱媽咪 入得廚房 出得廳堂 人唔高 不過能力高 人好細 不過心思更細 唔好睇佢細細粒，佢做起事上黎真係唔聲唔聲嚇你一驚 莊內各種問題都難唔到佢
Ronnie (徐婉蓉)
External Vice President(外務副主席)
外表傻傻的Ronnie，頭腦1D都唔傻，firm起上黎會嚇你一跳，處理外務無得輸。
Mocha (莫嘉昕)
Financial Secretary(財務秘書)
為人認真又負責任，精打細算，絕對唔會亂用一分一毫，會係邊個呢？當然係我地無得頂既fin sec Mocha啦 有著好似朱古力既甜美歌聲，為人淳厚謙遜，又有著好似咖啡咁醇厚、樸實既性格，一mix就變左mocha啦，真係飲得杯落架。
Katie (陳宛溶)
Secretary(文書)
Katie 咪睇佢斯斯文文，抄寫會議記錄?時候專注得嚇人。佢為人認真，又好有責任心，做野又上心，令人好鬼死放心。
Tivon (袁耀東)
Information Technology Officer(資訊科技幹事)
笑容滿面既「大眼仔」，宣傳活動難唔到佢，拍片剪片唔成問題。間中搞gag會dead一dead，放鬆心情go ahead！
Clong (梁詩朗)
Promotion Officer(宣傳幹事)
君子好逑，供不應求。雖然詩朗經常比人誤會為女仔，不過佢的確比其他男仔細心同有心思好多，平時畫畫就知到，所以流傳左「莊花，詩朗，莊花詩朗」名句。另外，鐘意貓咪既朋友可以搵佢計傾添架！
Jean (陳鳳珍)
Promotion Officer(宣傳幹事)
佢叫Jean/珍姐/俊哥，有著可愛甜美外表，內裏爽朗豪邁有義氣，做野從來唔怕辛苦，仲要Art sense 100分，出貨高質唔洗擔心，係我地既美少女戰士！
Cyrus (曹子傑)
Publishing Officer(出版幹事)
四肢發達，頭腦並不簡單既 Cyrus 除左係我地既力量擔當，唔好睇佢有時嬉皮笑臉，佢做事上黎特別認真，笑起上黎特別大聲，大男孩性格之外仲有鐵漢柔情既一面架！
Wing (伍梓穎)
Public Relations and Recreation Officer(公共關係及康樂幹事)
成日畀驚喜我地既阿Wing，會stalk人去了解人鐘意乜，係我地寵愛既WingWingPig。平時既佢係漢子，識耐左就知佢係妹子......好似妹子咁細心！
Joyce (黃雪晴)
Social Services Officer(社會服務幹事)
擁有一把可愛迷人既聲線，你一定羨慕唔到。佢愛上Winnie the Pooh數十載，做野快手快腳，效率特高，帶service更加難唔到佢！
Samuel (楊家榮)
Social Services Officer(社會服務幹事)
外號柴犬，影每一張相都同得意既柴犬一模一樣。為人活潑開朗，仲好有責任心，體貼大方，係好直得人信賴既柴犬。
Joanna (余芷昕)
Welfare Officer(褔利幹事)
那！佢就係我地既Joanna，平時見到佢都四萬咁口， 笑起上黎根本停唔到口。攞既福利多到唔夠佢鬥，其他莊員可以放心抖抖。
Shan (梁婉珊)
Welfare Officer(褔利幹事)
珊珊總是不來遲！阿珊係一個好有heart做野既人，係佢身上永遠都搵到幹勁！佢無厘頭既性格仲為我地帶黎好多歡樂，快D搵佢感受了啦！順帶一提，佢依加誠徵英文名啊！
Chloe (陳玉婷)
General Affairs Officer(總務)
亭亭玉立，玉立婷婷。身材苗條既佢成日都擔心自己肥左，口頭禪係：唉呀！我又肥左啦！完全冇諗過莊員既感受。近排仲立志要每日四半起床，真係佩服高兒！
Maily (劉小薇)
General Affairs Officer(總務)
唔好睇靚靚maily笑既時候傻裡傻氣咁，其實為人認真細心，book任何野都難唔到佢，爽手快腳，係最可靠既gen sec。
Gloria
Advisor
雖然話Gloria係我地嘅Advisor，但我地個個都當正佢係寶貝莊員㗎點解？因為佢除左教我地好多待人處事嘅技巧同態度之外，仲好活潑好鍾意同我地一齊玩一齊傻笑㗎所以想玩？想學野？想有人關心？Gloria一次滿足你3個願望!!!
Advisor
雖然話Gloria係我地嘅Advisor，但我地個個都當正佢係寶貝莊員㗎點解？因為佢除左教我地好多待人處事嘅技巧同態度之外，仲好活潑好鍾意同我地一齊玩一齊傻笑㗎所以想玩？想學野？想有人關心？Gloria一次滿足你3個願望!!!