學生幹事及顧問
第十三屆 學生幹事會 Asta
“Asta” （星辰）這個名字源自於拉丁語，帶有星辰 🌟 和被愛 💗 的意思。在孤寂的宇宙，星星本不會發光，但是透過反射恆星的光芒，令我們抬頭仍能看見繁星點點 ✨。 我們希望可以成為傳遞光亮的星星,帶領會友關懷社會。以實現青年會「非以役人，乃役於人」的精神，將我們的愛傳遞給社會上不同的人群🧑🤝🧑。我們亦會透過更多的活動宣傳引起大家對有需要幫助者的關注，吸引更多人加入我們，成為當中一顆溫暖的星星，用溫暖照亮這個社會。
Pang Jade (彭子瑜)
President（主席）
Jade執行力：⭐️⭐️⭐️⭐️⭐️
領導力：⭐️⭐️⭐️⭐️⭐️
可靠：⭐️⭐️⭐️⭐️⭐️
壓軸登場嘅就係我哋 Asta 嘅主席 Jade！睇佢咁面善 😄 就知佢份人好social得，我哋支莊依家咁團結咁firm真係唔少得佢嘅功勞㗎~ 👍🏻 越睇佢做 P 係真係越覺得唔簡單，仲要係咁忙嘅時間做得咁好，真係好佩服佢 🙇🙇。開完會由零開始做我哋件 soc jacket，一星期後就送埋去 UST，就由呢件事可以睇得出佢做嘢幾咁有效率（好似變魔術咁變出嚟 🪄 ）。 佢又會開坦白大會等大家有啲咩滿意/不滿就講出嚟 🗣️，完全唔會有上司下屬 feel，真係親和力 max❗呢支莊有佢係度真係我哋嘅福份，佢完全可以話係我哋嘅榜樣同 leader 😍。靠佢就唔會有解決唔到嘅困難！ 偷偷地講出嚟 🤭 我哋 P 對一 D 特別嘅姓氏情有獨鍾㗎，真係興趣都好特別！👀
Tang wei Xing (唐偉星)
Internal Vice President（內務副主席）
Wilson親和力：⭐️⭐️⭐️⭐️⭐️
幽默：⭐️⭐️⭐️⭐️⭐️
創意：⭐️⭐️⭐️⭐️⭐️
靜靜雞同你講 🤫，Wilson 係全票通過當選 IV 㗎！佢親和力 max，而且好口密，令其他莊員都願意同佢敞開心扉 🗣️ 。無論傾八卦定係傾秘密都完全冇問題呀！😙 除此之外，Wilson 都成日約莊聚㗎 🥳，成莊無幾耐，佢已經約過多次食飯，去 party room，甚至倒數 🎊 作為氣氛擔當，佢推出左搭 lift 企中間嘅人要講笑話嘅規矩，令到我地支莊勁多歡樂 🤣 。 佢唔單止有好嘅性格，同時仲有聰明嘅腦袋 🧠，每次開會嘅時候，佢都會提出一啲好創新嘅想法，令到我哋件事做出嚟會有更好嘅效果 👍🏻，所以佢絕對係一個全能嘅 IV 嚟㗎 👏🏻。
Wong Sung Hin (王崇軒)
External Vice President（外務副主席）
James穩重：⭐️⭐️⭐️⭐️⭐️
成熟：⭐️⭐️⭐️⭐️⭐️
細心：⭐️⭐️⭐️⭐️⭐️
接住落嚟出場就係我哋嘅 EV — James 爸爸喇 🌟。睇落成熟穩重嘅外表下其實藏著一顆細膩嘅心 🥺，同佢傾計你會發現佢份人超級 friendly ☺️，佢會好照顧到每一個莊員嘅感受 👍🏻。作為我哋嘅 EV，佢係兼顧到內外莊務之餘，仲會用心咁去了解我哋每一位莊員 🫡。 睇佢咁大隻就知道佢識打拳 🥊，但係唔講唔知，佢陽光嘅外表下其實係住著一個成熟安靜嘅少年 🥺，講起佢平時鍾意做啲咩，咁就肯定係彈琴 🎹 同睇書喇！ 呢個 EV 一夜之間就已經識曬隔離啲莊，我哋相信佢會用佢嘅超級外交手段，幫我哋爭取屬於我哋莊嘅機會 🫡👍🏻。值得一提嘅係 James 係金色組織型人 🫢，無論係策劃或者組織，佢都係條理分明 😌，我哋莊嘅外部公關有佢係度，絕對放一百萬份心 👍🏻🥰。
Law Hong Ching (羅康晴 )
Financial Secretary（財務秘書）
Julie理財：⭐️⭐️⭐️⭐️⭐️
責任感：⭐️⭐️⭐️⭐️⭐️
細心：⭐️⭐️⭐️⭐️⭐️
嚟到我地嘅 Fin sec Julie ,相信大家對佢嘅 first impression 一定係好高。有 model 身材嘅佢細個時竟然仲拍過廣告 🤣。雖然佢平時唔係成日講嘢，好似好怕羞內向咁，但同佢相處過就知佢成日都好幽默，好鍾意睇住啲搞笑片傻笑，仲要share 俾大家睇，真係好搞笑😂😂而且佢成日都俾到啲好有創意嘅idea，同埋真係好盡責，連去到日本都 online join 我哋嘅 meeting 👍🏻，十分抵讚🥳🥳 財務秘書呢個位對 Major 讀 Accounting 嘅佢嚟講緊係冇難度喇 ✅大家可以放心交比佢負責🫶🏻🫶🏻除咗財政之外，佢都有份設計我哋嘅 poster 同 leaflet 㗎 🥳我哋嘅莊員真係多才多藝啊！🫶🏻
Chan Cheng Lam (陳靖琳)
Secretary（秘書）
Angel 親和力: ⭐️⭐️⭐️⭐️⭐️ 創意：⭐️⭐️⭐️⭐️⭐️ 組織能力：⭐️⭐️⭐️⭐️⭐️ 一講起邊個最靚女，就一定要講起我哋嘅秘書 Angel 喇 ！😇 皮膚超好嘅佢可以話係零毛孔 😱，唔好睇佢個樣斯斯文文咁，其實私底下都好放得開好玩得㗎～ 🤪 除此之外，佢整嘢食仲好勁添，之前 exco training camp 嘅 BBQ 基本上都係靠晒佢 🥹。 佢做嘢絕對係認真細心 😍，每次開會佢都可以將我哋傾傾埋埋一堆好散亂嘅 idea，好有條理好有組織咁整理出嚟 📄。但係身為 secretary 嘅佢，開會嘅時候絕對冇淨係掛住寫 minutes 㗎，如果你認真聽嘅話，會發現佢其實創意爆棚 🤩，仲會提供好多新奇嘅意見俾大家添！
Szeto Hin Kin (司徒衍健 )
Information Technology & Social Services Officer（資訊科技及社會服務幹事）
Kim英文能力：⭐️⭐️⭐️⭐️⭐️
誠實：⭐️⭐️⭐️⭐️⭐️
時尚：⭐️⭐️⭐️⭐️⭐️
跟住出場嘅就係我哋資訊科技及社會服務幹事嘅 Kim 喇！👏🏻 我哋莊一有任何英文疑問就肯定第一時間問Kim喇！🙌🏻 無論係開會定係平時傾偈 😜 佢都會突然間標幾個好pro嘅英文term出嚟 🫣，仲有啊！靜雞雞同你哋講 🤫 ，有次莊聚食飯，當其他莊員都係用緊中文落單，Kim 係用英文落單㗎 👀 真係好型啊！😍 不愧係我哋莊嘅英文擔當！ 💁🏻 同埋Kim絕對係成支莊最誠實嘅莊員嚟 😎 無論我哋問佢啲咩 🙊 Kim 都會好順攤咁一五一十講晒出嚟㗎！🗣️ 睇到呢張莊相就知 Kim 有幾時尚喇～ 👔 真系一睇佢套suit就知佢係我哋莊嘅時尚擔當 😎！
Yu Yanqin ( 余炎擎 )
Publishing & Public Relations Officer（出版及公共關係幹事）
Nancy遲到：⭐️⭐️⭐️⭐️⭐️
音樂才華：⭐️⭐️⭐️⭐️⭐️
善良：⭐️⭐️⭐️⭐️⭐️
呢位咁 charm 嘅女仔係邊個呢？冇錯喇！就係我哋既 PR 同出版幹事喇～佢中文好好㗎 🌟 潮語？古文？廣東話？都難佢唔到！😎 對文字嘅 sense 媲美李白蘇軾（細個嗰陣）😹，寫 caption 真係冇得頂啊！🤩 雖然佢就唔會深夜寫詩，但係就會深夜寫 ig caption 😙。除咗中文好之外，佢仲非常有藝術細胞！鍾意拉小提琴 🎻 嘅佢仲會參加管弦樂團，識唱歌 🎤 嘅佢仲會參加 band so 嘅活動添！真係多才多藝啊。細細聲同你講啦，之前佢出 concert 係全支莊去支持佢㗎～
Yang Ka Man (楊嘉敏)
Recreation & General Affairs Officer（康樂及總務幹事）
Carmen戲劇天份：⭐️⭐️⭐️⭐️⭐️
搞笑天份：⭐️⭐️⭐️⭐️⭐️
條理性：⭐️⭐️⭐️⭐️⭐️
呢位超fit嘅靚女就係我地嘅 Rcre+Gen Sec Carmen 喇！😚 講起我地莊嘅搞笑擔當，就一定係 Car姐 喇！唔好睇佢好似好高冷咁，其實佢份人超搞笑㗎 🤣，唔理係邊度，只要 Car姐係度就永遠唔會冷場 🥳，平時聚餐最期待嘅就係等 Car姐提出d超好玩嘅話題 😜。 雖然咁講，但係開會嘅 Car姐 又係另外一個樣喔，做起嘢超認真又快手，會用客觀嘅角度分析問題，俾翻大家 feedback。仲有啊！每次大家互相「抽水」果陣，Car姐都會企出來講翻句公道話，默默咁維護我地莊內嘅和諧 😇 佢仲識拉小提琴 🎻 添，唔知幾時有機會睇到佢出 show 呢？😆
Chan Ho Lam (陳灝林 )
Social Services & Welfare Officer（社會服務及福利幹事）
Myles音樂天份：⭐️⭐️⭐️⭐️⭐️
運動天份：⭐️⭐️⭐️⭐️⭐️
遲到天份：⭐️⭐️⭐️⭐️⭐️
呢位咁 charm 嘅同學就係我哋 SSO + Welfare 嘅 Myles 喇！講起我哋莊嘅學霸擔當，就一定係 Myles 喇～ 😎 作為 Dual Degree 嘅大神，佢做嘢唔單止高質素，仲好高效率添！👍 唔好睇佢外表好似好文靜咁，其實佢運動同音樂都好掂㗎！Violin? Guitar? Drum? 全部都難唔到佢。🙏 仲要識得游水同踢波，可以話係十項全能啊！🌟 不過全能嘅 Myles 都有一樣致命嘅缺點 — 遲到 😵💫 作為我哋莊嘅遲到紀錄保持者，無論開會定莊聚，Myles 永遠都係最尾到嗰個 🥲 不過佢好努力改善緊，我哋相信佢慢慢會準時到啊。
Gloria
Advisor
雖然話Gloria係我地嘅Advisor，但我地個個都當正佢係寶貝莊員㗎點解？因為佢除左教我地好多待人處事嘅技巧同態度之外，仲好活潑好鍾意同我地一齊玩一齊傻笑㗎所以想玩？想學野？想有人關心？Gloria一次滿足你3個願望!!!
Advisor
雖然話Gloria係我地嘅Advisor，但我地個個都當正佢係寶貝莊員㗎點解？因為佢除左教我地好多待人處事嘅技巧同態度之外，仲好活潑好鍾意同我地一齊玩一齊傻笑㗎所以想玩？想學野？想有人關心？Gloria一次滿足你3個願望!!!